Gazaǵa úsh aıdan keıin alǵash ret áýeden gýmanıtarlyq kómek tastaldy
ASTANA. KAZINFORM – Gýmanıtarlyq júk tıelgen konteınerler Gaza sektoryna shilde aıynyń ortasynan beri alǵash ret tastaldy. Bul týraly Anadolu tilshisine oqıǵa kýágerleri aıtqan.
Olardyń aıtýynsha, gýmanıtarlyq júk eksklavtyń ońtústigindegi Han ıÝnýs qalasyna belgisiz ushaqtardan tastalǵan.
Ókinishtisi, gýmanıtarlyq júk tıelgen qoraptardyń bir bóligi qonys aýdarǵan palestınalyqtardyń shatyrlaryna qulap, adamdar mert bolǵan.
2023 jyldyń 7 qazanynda tańerteń HAMAS-tyń áskerı qanaty Izz ad-Dın ál-Qassam brıgadalary Izraılge qarsy «Ál-Aqsa tasqyny» operatsııasynyń bastalǵanyn jarııalady.
Buǵan jaýap retinde Izraıl armııasy Gaza sektorynda ondaǵan joıǵysh ushaqtardy paıdalanyp, HAMAS-qa qarsy «Temir qylyshtar» operatsııasyn bastaǵanyn jarııalady, bul odan ári Gaza halqynyń qyrǵynyna ulasty. 27 qazanda Izraıl armııasy Gazada qurlyq operatsııalaryn júrgize bastady.
2024 jyldyń 7 qazany, dúısenbi kúni Izraıldiń Gaza sektoryna shabýyldaryn bastaǵanyna týra bir jyl boldy.
Izraıl armııasynyń qurlyqtan, teńizden jáne áýeden jappaı atqylaýy eksklavta orasan zor qıraý men materıaldyq shyǵyn ákeldi.
Gaza sektory úkimetiniń baspasóz qyzmeti Izraıl armııasynyń bir jyl ishinde eksklavta «3650-ge jýyq genotsıd aktisin» jasaǵanyn habarlady.
Osyǵan deıin palestınalyq HAMAS qozǵalysynyń sheteldik ókildiginiń basshysy Halıd Mashal uıymǵa basshylyq etetinin jazdyq.
