Gazadaǵy qurbandar sany 51 myńǵa jýyqtady
ASTANA. KAZINFORM – Izraıldiń blokadadaǵy Gaza sektoryna jasaǵan shabýylynan qaza tapqandar sany 50 944-ke jetti. Bul týraly Gaza sektoryndaǵy Palestına densaýlyq saqtaý mınıstrligi habarlady, dep jazady Anadoly.
Sońǵy táýlikte aımaqtaǵy aýrýhanalarǵa 111 jaraly men qaza tapqan 11 adamnyń denesi jetkizilgen. Palestına eksklavynda 2023 jyldyń 7 qazanynan beri jaralanǵandardyń jalpy sany 116 156-ǵa jetti. Myńdaǵan qurbandardyń denesi qıraǵan ǵımarattardyń úıindileri astynda jatyr, dep qosty vedomstvo.
Izraıl armııasy 19 qańtarda kúshine engen atysty toqtatý kelisimi aıaqtalǵannan keıin 18 naýryz kúni tańerteń blokadadaǵy Gaza sektoryna qarqyndy shabýyldaryn qaıta bastady. Sodan beri shabýyldarda 1574 adam qaza taýyp, 4115 adam jaraqat aldy.
Aıta keteıik, buǵan deıin Izraıl ál-Ahlı aýrýhanasyndaǵy HAMAS-tyń qolbasshylyq ortalyǵyna shabýyl jasaǵanyn jazdyq.
Izraıldegi oqytýshylar men áskerı dárigerler Gazadaǵy shabýyldardy toqtatýǵa shaqyrdy.