Gazaǵa gýmanıtarlyq kómek tıelgen júk kólikteri kire bastady

ASTANA. KAZINFORM – Izraıl men HAMAS arasynda Gaza sektoryndaǵy atysty toqtatý týraly kelisim kúshine engen soń eksklavqa gýmanıtarlyq júk tıelgen júk kólikteri kirip jatyr, dep habarlaıdy Anadolu aqparat agenttigi. 

Habarlanǵandaı, júk kólikteri Gazaǵa sektordyń ońtústiginde Izraıl baqylaýyndaǵy «Karm-Ábý-Salım» ótkeli arqyly kirip jatyr.

Gaza sektoryndaǵy atysty toqtatý kelisimi taraptar Egıpettegi kelissózder barysynda qol jetkizgen kelisimderge sáıkes 10 qazanda kúshine endi. Izraıl armııasy óz bólimshelerin «sary syzyq» dep atalatyn aımaqqa ishinara shyǵarýdyń aıaqtalǵanyn habarlady. Izraıl kúshteri Gaza sektorynyń birneshe aımaǵynan («Sary syzyq» dep atalatyn) ońtústigindegi Han ıÝnısten soltústiktegi Beıt-Lahııaǵa deıin shyǵarylady dep josparlanǵan.

Gaza sektoryndaǵy soǵysty toqtatý týraly kelisimge 13 qazanda Sharm-esh-Sheıh qalasynda qol qoıylady dep josparlanyp otyr. HAMAS uıymy óz ókilderiniń rásimge qatyspaıtynyn málimdedi.