Gazadan 400 myńǵa jýyq adam evakýatsııalandy — TsAHAL ekinshi baǵytty ashty
ASTANA. KAZINFORM — Turǵyndardyń anklavtyń soltústiginen jappaı kóshýi gýmanıtarlyq daǵdarystyń aýqymyn taǵy bir márte kórsetti, dep habarlaıdy Kazinform menshikti tilshisi.
Izraıldiń qorǵanys kúshteri (TsAHAL) HAMAS-qa qarsy keń aýqymdy operatsııaǵa daıyndyq kezinde Gaza qalasynan shamamen 400 myń palestınalyq ketkenin málimdedi, dep habarlaıdy ızraıldik BAQ. Aǵymdaǵy operatsııalardyń bastalýyna deıin qala turǵyndarynyń sany 1 mln-ǵa jýyq adam dep baǵalanǵan.
Izraıl áskeri buǵan deıin gazalyqtarǵa dereý aımaqtyń ońtústik bóligindegi belgilengen gýmanıtarlyq aımaqqa kóshýdi buıyrǵan bolatyn. Sońǵy kúnderi evakýatsııa qarqyny kúnine ondaǵan myń adamǵa jetti.
At this moment, as Israeli tanks enter Gaza City, as Israeli soldiers kill civilians, as tens of thousands of people—women, men, elderly, children, infants, the sick—flee without knowing where to go, as the UN Commission of Inquiry declares that “Israel has committed genocide in… pic.twitter.com/Or9iHlyz5A
— Angelo Giuliano 🇨🇭🇮🇹🔻🔻🔻 (@angeloinchina) September 16, 2025
Ar-Rashıd tasjolyndaǵy keptelisterge baılanysty TsAHAL Salah ad-Dın tasjoly boıyndaǵy ekinshi evakýatsııa baǵytyn jarııalady, ol jaqyn kúnderi ashylady. Osy ýaqytqa deıin jolaqtyń ońtústik aýdandaryna shyǵý tek jaǵalaýdaǵy jol arqyly ǵana múmkin boldy.
Izraıl premer-mınıstri Bınıamın Netanıahý Tel-Avıvte áskerı qolbasshylar aldynda sóılegen sózinde Izraıl armııasynyń basym baǵyttarynyń biri — qalanyń barlyq beıbit turǵyndaryn evakýatsııalaý ekenin málimdedi.
— Qazir biz Gaza turǵyndaryn tezirek evakýatsııalaý úshin qosymsha baǵyttardy ashý, olardy ózimiz shabýyldaǵymyz keletin lańkesterden ajyratý úshin kúsh salyp otyrmyz, — dep málimdedi Netanıahý.
Israel's army says it has opened a temporary new route to allow people to flee Gaza City, a day after launching a major ground assault aimed at crushing Hamashttps://t.co/dbDBzob8tN pic.twitter.com/YVe0imR4ez
— AFP News Agency (@AFP) September 17, 2025
Izraıl tarapy Gaza qalasyndaǵy operatsııalardyń keńeıtiletinin alǵa tartyp otyr. TsAHAL brıgadalyq generaly Effı Defrınniń málimdeýinshe, qala «HAMAS-tyń áskerı jáne ákimshilik bıliginiń ortalyǵyna jáne tarıhtaǵy eń úlken tiri qalqanǵa» aınalǵan.
Izraıl armııasynyń resmı habarlamalarynda qurlyqtaǵy naýqannyń maqsaty — qol jetkizilgen nátıjelerdi nyǵaıtý jáne soǵys maqsattaryna jetý ekeni atap ótildi.
Osy arada Palestına aqparat quraldary túnde anklavtyń ártúrli aýdandarynda, sonyń ishinde Tel-ál-Havada jáne qalanyń ońtústiginde mına qoıylǵan kólikterdiń atqylaǵanyn habarlady.
Anklav densaýlyq saqtaý organdarynyń málimetinshe, sársenbi kúni tańerteńnen beri kem degende 12 adam, onyń ishinde bir áıel men bir bala qaza tapty. Budan basqa, qalada kem degende 17 turǵyn úı qıraǵan.
Izraıl áskeri avıatsııanyń bir túnde 50-ge jýyq nysanaǵa soqqy bergenin habarlady, olardyń kópshiligi Gaza qalasynda.
Armııa málimetinshe, sońǵy táýlik ishinde HAMAS paıdalanatyn tonnelder, ǵımarattar, sodyrlar toptary jáne basqa da ınfraqurylymdardy qosa alǵanda, 140-qa jýyq nysanǵa soqqy jasalǵan. Barlyǵy 48 saǵat ishinde 150-den astam nysanaǵa soqqy berildi.
Budan buryn Qytaı Izraılden Gazadaǵy áskerı operatsııany dereý toqtatýdy talap etkeni habarlandy.