Gazadaǵy soǵys taǵy eki aıǵa sozylýy múmkin – Izraıl qorǵanys mınıstri

Izraıl qorǵanys mınıstri Ioav Gallant brıfıng kezinde Gaza sektoryndaǵy soǵys taǵy eki aıǵa sozylatynyn aıtty. Kazinform bul týraly ABC News-ke silteme jasap habarlaıdy.

Onyń sózinshe, belsendi soǵys qımyldary aıaqtalǵannan keıin lańkestik qarsylyq tanytý oshaqtaryn «tazalaýǵa» taǵy birneshe aı qajet bolýy múmkin. Sondaı-aq Ioav Gallant Izraıl Palestına halqyna qarsy soǵysyp jatpaǵanyn atap ótti.

HAMAS qozǵalysy basqaratyn Gaza densaýlyq saqtaý mınıstrligi 17 myń adam, onyń ishinde balalar da qaza tapqanyn málim etti. Gazanyń ońtústigindegi, qazirgi ýaqytta sektordyń osy bóligindegi iri qala Han-ıÝnıste bolyp jatqan Izraıldiń áskerı operatsııasy onsyz da kúrdeli gýmanıtarlyq jaǵdaıdy ýshyqtyryp jiberdi.

Izraıl úkimeti gýmanıtarlyq kollaps pen epıdemııa tarap ketýin boldyrmas úshin Gaza sektoryna mınımal deńgeıde otyn jetkizýge ruqsat berdi.