Gazadaǵy qurbandar sany 53 myńnan asty
ASTANA. KAZINFORM – 2023 jylǵy 7 qazanda Izraıldiń áskerı operatsııasy bastalǵaly beri Gaza sektorynda qaza tapqandar sany 53 010 adamǵa jetti. Bul týraly sársenbi kúni Gaza sektoryndaǵy Densaýlyq saqtaý mınıstrligi habarlady, dep jazady Anadoly.
Mınıstrlik málimetinshe, tek sońǵy bir táýlikte jergilikti aýrýhanalarǵa 82 adamnyń máıiti men 152 jaraly adam jetkizilgen.
Derekterge sáıkes, 18 naýryzdan bastap (19 qańtarda jarııalanǵan atysty toqtatý týraly kelisimniń buzylýynan keıin) 2 876 palestınalyq qaza taýyp, taǵy 7 957 adamdy jaralaǵan.
Qaqtyǵys bastalǵaly beri jaralanǵandardyń jalpy sany 119 998 adam boldy.
Jergilikti bılik ókilderi qıraǵan ǵımarattardyń astynda áli de myńdaǵan adamnyń máıiti qalǵanyn atap ótti.
Buǵan deıin Izraıl Gazaǵa shabýylyn kúsheıtip, kem degende 65 adam qaza tapqanyn jazdyq.