Gazadaǵy qurbandar sany 50 myńnan asty
ASTANA. KAZINFORM – 2023 jyldyń 7 qazanynan beri Izraıldiń Gaza sektoryna jasaǵan shabýyldarynan qaza tapqandar sany 50 021-ge jetti, dep jazady Anadoly.

Bul týraly eksklavtyń Densaýlyq saqtaý mınıstrligi málimdedi.
Sońǵy 24 saǵatta 41 adam qaza tapqan. Jaralanǵan 61 adam aýrýhanalarǵa jetkizilgen.
Zardap shekkenderdiń jalpy sany 113 274-ten asty.
18 naýryzdan beri Izraıl Gazaǵa jappaı soqqy berýdi qaıta bastaǵannan beri 673 adam qaza taýyp, 1233-ten astam adam jaraqat aldy.
Aıta keteıik, buǵan deıin Gaza sektoryna jasalǵan áýe soqqysy kezinde HAMAS saıası bıýrosynyń múshesi qaza tapqanyn habarlaǵan edik.
Budan bólek, Izraıl Gazada áskerı operatsııasyn qaıta bastaǵan úsh kúnniń ishinde jergilikti bıliktiń málimeti boıynsha 600-ge jýyq adam kóz jumǵan.