Gazadaǵy qurbandar sany 39 653-ke jetti
ASTANA. KAZINFORM – Izraıl armııasynyń 2023 jyldyń 7 qazanynan beri qorshaýdaǵy Gaza sektoryna jasaǵan shabýyldarynan kóz jumǵandar sany 39 653 adamǵa jetti, dep jazady Anadoly.
Gaza sektoryndaǵy Palestına densaýlyq saqtaý mınıstrliginiń málimetinshe, eksklavqa jasalǵan shabýyldar 305 kúnnen beri toqtaǵan joq.
Sońǵy 24 saǵat ishinde Izraıl úsh jappaı «qyrǵyn» áreketin jasady, sonyń saldarynan 30 palestınalyq qaza taýyp, 66-sy jaralandy.
2023 jyldyń 7 qazanynan beri Izraıldiń shabýyldarynan jaralanǵandar sany 91 535-ke jetti.
"Qaza tapqandardyń deneleri áli qıraǵan ǵımarattardyń astynda jáne jol jıekterinde jatyr. Jedel járdem jáne azamattyq qorǵanys toptary Izraıl kúshteriniń kedergilerinen olarǵa jete almaıdy", - dep málimdedi vedomstvo.
Aıta keteıik, Izraıl shabýylymen qatar Gazada juqpaly aýrýlar da asqynyp tur.
