Gazadaǵy qurbandar sany 37 372-ge jetti

ASTANA. KAZINFORM – 2023 jyldyń 7 qazanynan beri Gaza sektorynda Izraıldiń jalǵasyp jatqan shabýyly saldarynan qaza tapqan palestınalyqtardyń sany 37 372-ge ósti. Bul týraly Palestınanyń Gaza sektoryndaǵy Densaýlyq saqtaý mınıstrligi málimdedi, dep jazady Anadoly.

Habarǵa sáıkes, sońǵy 24 saǵat ishinde Izraıl armııasy Gaza sektorynyń ártúrli aımaqtarynda úsh ret jasaǵan shabýyly nátıjesinde 25 palestınalyq kóz jumǵan. Budan bólek, taǵy 80 adam zardap shekken.

Osylaısha, 7 qazannan beri jalǵasqan Izraıl shabýyly kezinde qaza tapqandardyń jalpy sany 37 372-ge, jaralanǵandar sany 85 452-ge jetti, dep habarlady Gaza Densaýlyq saqtaý mınıstrligi.

Qaza tapqandardyń denesi áli qıraǵan ǵımarattardyń astynda jáne jol jıekterinde jatyr. Jedel járdem jáne azamattyq qorǵanys toptary Izraıl kúshteri týdyrǵan kedergilerge baılanysty olarǵa jete almaı otyr, dep qosty vedomstvo.