Gazadaǵy qurbandar sany 36,5 myńnan asty
ASTANA. KAZINFORM – 2023 jyldyń 7 qazanynan beri Izraıldiń Gaza sektoryna jasaǵan shabýyly nátıjesinde qaza tapqan palestınalyqtardyń sany 36 myń 586-ǵa jetti, 83 myń 74 adam jaraqat aldy.
Bul týraly Palestına densaýlyq saqtaý mınıstrliginiń Gaza sektoryndaǵy málimdemesinde aıtyldy, dep jazady Anadolu.
Mınıstrliktiń málimetinshe, sońǵy táýlikte anklavtyń taǵy 36 azamaty qaza taýyp, 115-i jaraqat alǵan.
Palestına Densaýlyq saqtaý mınıstrliginiń habarlaýynsha, sońǵy 24 saǵatta Izraıl áskerleri Gaza sektorynyń ártúrli aımaqtarynda 4 «qyrǵyn» jasady.
Habarda qaza tapqandardyń deneleriniń áli qıraǵan ǵımarattardyń astynda jáne jol jıekterinde jatqany atap ótildi. Jedel járdem jáne azamattyq qorǵanys toptary Izraıl kúshteriniń kedergilerinen olarǵa jete almaı otyr.
