Gazadaǵy qurbandar sany 36 myńnan asty

ASTANA. KAZINFORM – 2023 jyldyń 7 qazanynan beri Izraıldiń Gaza sektorynda jalǵasyp jatqan shabýyly nátıjesinde qaza tapqan palestınalyqtardyń sany 36 654-ke jetip, 83 309-y jaraqat aldy.

Bul týraly Palestına densaýlyq saqtaý mınıstrliginiń Gaza sektoryndaǵy málimdemesinde aıtyldy, dep jazady Anadolu.

Mınıstrliktiń málimetinshe, sońǵy táýlikte anklavtyń taǵy 68 azamaty qaza taýyp, 235-i jaraqat alǵan.

Habarda qaza tapqandardyń deneleriniń áli qıraǵan ǵımarattardyń astynda jáne jol jıekterinde jatqany atap ótildi. Jedel járdem jáne azamattyq qorǵanys toptary Izraıl kúshteriniń kedergilerinen olarǵa jete almaı otyr.