Gazadaǵy qurbandar sany 35,2 myńnan asty

ASTANA. KAZINFORM – Izraıldiń Gaza sektorynda 7 qazannan beri jalǵasyp jatqan shabýyly nátıjesinde qaza tapqan palestınalyqtardyń sany 35 272-ge jetip, 79 205 adam jaralandy.

Bul týraly Palestına densaýlyq saqtaý mınıstrliginiń Gaza sektoryndaǵy málimdemesinde aıtylǵan, dep jazady Anadoly.

Vedomstvonyń málimetinshe, sońǵy táýlikte eksklavtyń taǵy 39 turǵyny qaza taýyp, 64-i jaralanǵan.

Baıandamada áli de qaza tapqandardyń denesi qıraǵan ǵımarattardyń astynda jáne jol jıekterinde jatqany atap ótildi. Jedel járdem men azamattyq qorǵanys toptary Izraıl kúshteriniń kedergilerinen olarǵa jete almaı otyr.