Gazadaǵy qurbandar sany 35 myńnan asty

ASTANA. KAZINFORM – Palestınanyń Gaza sektoryndaǵy Densaýlyq saqtaý mınıstrliginiń málimdemesinde 2023 jyldyń 7 qazanynan beri Gaza sektorynda Izraıldiń jalǵasyp jatqan shabýyldary saldarynan qaza tapqan palestınalyqtardyń sany 35 034-ke jetip, 78 755 adam jaralandy. Bul týraly Anadoly agenttigi jazdy. 

Vedomstvonyń málimetinshe, sońǵy táýlikte eksklavtyń taǵy 63 turǵyny qaza taýyp, 114-i jaralanǵan.

Baıandamada qaza tapqandardyń deneleri áli qıraǵan ǵımarattardyń qırandylary men jol jıekterinde qalǵany atap ótildi. Jedel járdem men azamattyq qorǵanys toptary Izraıl kúshteriniń kedergilerinen olarǵa jete almaı otyr.