Gazadaǵy qurbandar sany 33 myńǵa jýyqtady

KAIR. KAZINFORM – Izraıldiń Gaza sektoryndaǵy áskerı operatsııasy bastalǵaly qaza tapqan palestınalyqtardyń sany 33 myńǵa jaqyndap, 75 myńnan astam adam jaraqat aldy. Bul málimetterdi Palestına anklavynyń densaýlyq saqtaý mınıstrligi keltirip otyr, dep jazady TASS agenttigi.  

«Ótken jyldyń qazan aıynan beri Gazadaǵy Izraıl agressııasynyń qurbandary sany 32 916-ǵa jetti, 75 494 adam jaraqat aldy», - delingen vedomstvonyń Telegram-kanalynda jarııalanǵan málimdemede.

Gaza Densaýlyq saqtaý mınıstrligi de «tek sońǵy 24 saǵattyń ishinde anklavta 71 adam qaza taýyp, 102 adam jaralanǵanyn» atap ótti. Qaıtys bolǵandardyń keıbiriniń deneleri úıindi astynda,qutqarýshylar olarǵa áli jete almaı jatyr.