Gazadaǵy qurbandar sany 33 843-ke jetti

ASTANA. KAZINFORM – Izraıldiń Gaza sektorynda 7 qazannan beri jalǵasqan basqynshylyq áreketi saldarynan qaza tapqan palestınalyqtardyń sany 33 843-ke jetip, 76 575 adam jaralandy. Bul týraly Palestına densaýlyq saqtaý mınıstrliginiń Gaza sektoryndaǵy málimdemesinde aıtylǵan, dep jazady Anadolu agenttigi.

Vedomstvonyń málimetinshe, sońǵy táýlikte anklavtyń taǵy 46 turǵyny qaza taýyp, 110-y jaralanǵan.

Baıandamada qaza tapqandardyń deneleri áli qıraǵan ǵımarattardyń qırandylary men jol jıekterinde qalǵany atap ótildi. Jedel járdem men azamattyq qorǵanys toptary Izraıl kúshteriniń kedergilerinen olarǵa jete almaı otyr.