Gazadaǵy qurbandar sany 31 272-ge jetti

ASTANA. Kazinform – Keıingi 24 saǵattyń ishinde 88 palestınalyq Izraıl shabýylynyń qurbany bolyp, taǵy 135 adam jaraqat alǵan. Bul týraly Anadolu agenttigi jazdy. 

Palestına Densaýlyq saqtaý mınıstrliginiń Gaza sektoryndaǵy baspasóz hatshysy Ashraf ál-Kýdranyń málimdeýinshe, 2023 jyldyń 7 qazanynan beri blokadadaǵy Gaza sektorynda Izraıldiń shabýyldarynan qaza tapqan palestınalyqtardyń sany 31 272-ge jetken. 

- Keıingi 24 saǵattyń ishinde 88 palestınalyq ızraıldik shabýyldyń qurbany boldy, taǵy 135 adam jaraqat aldy, - dedi ál-Kýdra.

Palestınanyń resmı ókili 7 qazannan beri Izraıl shabýyldarynan jaralanǵandardyń jalpy sany 73 024-ke jetkenin, qaza tapqan palestınalyqtardyń 72 paıyzyn áıelder men balalar quraıtynyn habarlady.