Gazadaǵy qaqtyǵys: qaza tapqan ızraıldik áskerıler sany 438-ge jetti
ASTANA. KAZINFORM – Izraıl armııasy Gaza sektorynda taǵy bir sarbazynyń qaza tapqanyn habarlady, dep jazady Anadoly.
Jarııalanǵan resmı málimdemede marqum sarbazdyń kapral sheninde bolǵany jáne eksklavtyń soltústiginde «jaýyngerlik operatsııa kezinde bolǵan oqıǵada» qaza tapqany kórsetilgen.
Osylaısha, resmı derekterge sáıkes, 2023 jylǵy 27 qazanda bastalǵan Gazaǵa jerústi operatsııasy barysynda qaza tapqan ızraıldik áskerılerdiń jalpy sany 438 adamǵa jetti.
Al Gaza sektoryndaǵy Densaýlyq saqtaý mınıstrliginiń málimetinshe, 2023 jylǵy 7 qazannan beri jalǵasyp jatqan ızraıldik shabýyldardan keminde 57 130 palestındik qaza taýyp, 135 173 adam jaralanǵan.
Aıta keteıik, buǵan deıin Izraıldiń Gazaǵa jasaǵan tańǵy shabýylynda 39 palestınalyq qaza tapqanyn jazdyq.