Gazadaǵy gýmanıtarlyq kómek qory jumysyn toqtatqanyn jarııalady

ASTANA. KAZINFORM – AQSh pen Izraıl úkimetteri qoldaıtyn Gaza gýmanıtarlyq kómek qory (GHF) óz jumysyn toqtatady. Bul týraly qordyń baspasóz qyzmeti habarlady, dep jazdy TASS aqparat agenttigi.

- Biz óz jumysymyzdy toqtata otyryp, beıimdilik, jergilikti yntymaqtastyq jáne esep berý qaqtyǵys aımaqtaryndaǵy gýmanıtarlyq kómektiń qalaı túrlene alatynyn dáleldengen úlgisin qaldyryp otyrmyz, - delingen qordyń X áleýmettik jelisindegi málimdemesinde.

GHF málimdeýinshe, tórt jarym aılyq jumys barysynda qor Gazaǵa 187 mln úles tamaq jetkizip, olardy anklav turǵyndaryna taratqan.

Naýryz aıynan bastap shilde aıynyń sońyna deıin Izraıl bıliginiń sheshimi boıynsha Gaza sektoryna halyqaralyq gýmanıtarlyq kómek jetkizilgen joq, evreı memleketiniń bıligi barlyq ótkeldi jaýyp tastady. Sektor turǵyndary arasynda azyq-túlikti úlestirý Gazadaǵy gýmanıtarlyq kómek qorynyń pýnktter júıesi arqyly júzege asyryldy. BUU Gaza sektorynda GHF jumys isteı bastaǵaly onda gýmanıtarlyq kómek alýǵa tyrysqan shamamen eki myń palestınalyqtyń qaza tapqanyn habarlady. Reseıdiń BUU janyndaǵy turaqty ókiliniń birinshi orynbasary Dmıtrıı Polıanskıı tamyz aıynda atap ótkendeı, qor jumysyn gýmanıtarlyq mıssııa dep sanaýǵa bolmaıdy, sebebi ol beıbit turǵyndardy qorqytý jáne basý úshin paıdalanyldy.

Kazinform úshin arnaıy TASS seriktes agenttigi usynǵan.

Buǵan deıin BUU jáne onyń gýmanıtarlyq seriktesteri 10 qazandaǵy atysty toqtatý týraly kelisim kúshine engennen beri Gaza sektoryndaǵy ótkizý pýnktterinde 24 myń tonnadan astam gýmanıtarlyq kómek jınaǵanyn jazǵan edik.