Gazadaǵy aýrýhana janarmaı tapshylyǵyna baılanysty 48 saǵat ishinde jumysyn toqtatady
ASTANA. KAZINFORM – Qorshaýda qalǵan Gaza sektoryndaǵy Deır al-Balah qalasynda jumys istep turǵan sońǵy «Ál-Aqsa sheıitteri» aýrýhanasy janarmaı tapshylyǵyna baılanysty 48 saǵat ishinde jumysyn toqtatýy múmkin.
Bul týraly Palestına eksklavy úkimetiniń baspasóz qyzmeti taratqan habarlamada aıtylǵan, dep jazady Anadolu.
«Ál-Aqsa sheıitteri aýrýhanasynyń basshylyǵy janarmaıdyń 48 saǵat ishinde taýsylatynyn jáne medıtsınalyq qyzmetterdiń toqtatylatynyn aıtty», – delingen habarlamada.
Gaza bıligi Izraıldiń Gaza sektoryndaǵy shabýyldarynyń saldarynan 33 aýrýhananyń jumys istemeı turǵanyn eske saldy.
Sonymen qatar, Gaza bıligi eger aýrýhana jumysyn toqtatsa, naýqastar men zardap shekkenderdiń, atap aıtqanda reanımatsııa bólimindegi naýqastar men ınkýbatorlardaǵy jańa týǵan nárestelerdiń ómirine úlken qaýip tónetinin aıtty.
Aımaq bıligi qazirgi jaǵdaı úshin Izraıl men AQSh ákimshiligin aıyptady, sondaı-aq halyqaralyq mekemeler men uıymdardy «kesh bolmaı turyp» aýrýhanaǵa tezirek janarmaı jetkizýge shaqyrdy.
