Gazadaǵy atysty toqtatý kelisimi kúshine endi

ASTANA.KAZINFORM - Gaza sektoryndaǵy Izraıl men Palestına kúshteri arasyndaǵy atysty toqtatý týraly kelisim 10 qazan kúni jergilikti ýaqyt boıynsha tús kezinde  (Astana ýaqyty boıynsha 14:00) kúshine endi.

Газадағы атысты тоқтату келісімі күшіне енді
Фото: Haitham Imad

Bul týraly Izraıl qorǵanys kúshteri (IDF) habarlady.

Kelisim kúshine engennen keıin 72 saǵat ishinde tiri jáne óli ızraıldik tutqyndar bosatylady.

Izraıl premer-mınıstriniń keńsesi Gazada qalǵan kepilge alynǵandardy qaıtarýdy josparlaǵan operatsııany «Shekaraǵa oralý» dep jarııalady.

Óz kezeginde Izraıl ómir boıyna bas bostandyǵynan aıyrylǵan 250 palestınalyq tutqyndy, sondaı-aq soǵys kezinde túrmede otyrǵan qosymsha 1700 gazalyqty bosatýy kerek.

24 saǵat ishinde Izraıl kúshteri Gaza sektorynyń birneshe aımaǵynan («Sary syzyq» dep atalatyn) ońtústigindegi Han ıÝnısten soltústiktegi Beıt-Lahııaǵa deıin shyǵarylady dep josparlanǵan.

Kelisimniń birinshi kezeńi boıynsha Izraıl «sary syzyq» aımaǵyna sheginip, Gaza aýmaǵynyń 58 paıyzyn saqtap qalady.

Kelisimniń HAMAS-ty qarýsyzdandyrý jáne Izraıl áskerlerin Gazadan tolyq shyǵarýdy qamtıtyn keıingi kezeńderi áli kelisilgen joq.

Esterińizge sala keteıik, Izraıl men HAMAS arasyndaǵy aradaǵy kelissózderdiń birinshi raýndy 6 qazanda Mysyrda ótti. Sársenbi kúni AQSh prezıdenti Donald Tramp Izraıl men HAMAS-tyń Gaza sektory boıynsha kelissózdiń birinshi kezeńi boıynsha kelisimge kelgenin habarlady.

Beısenbi kúni Izraıl úkimeti premer-mınıstr Bınıamın Netanıahýdyń tolyq kabıneti daýys berýge usynǵan atysty toqtatý týraly usynysty maquldady.

Сейчас читают