Gazadaǵy atys dúısenbige deıin toqtaıdy dep úmittenemiz – Baıden

AQSh prezıdenti Djo Baıden dúısenbige deıin Izraıl men HAMAS arasynda Gazadaǵy atysty toqtatý týraly kelisimge qol jetkizilýi múmkin ekenin aıtty.

— Ulttyq qaýipsizdik jónindegi keńesshim kelisimge kelýge óte jaqyn qalǵanymyzdy aıtty, biraq oǵan áli qol jetkizgen joqpyz. Kelesi dúısenbige deıin atys toqtatylatynyna senimdimin, — dedi Amerıka prezıdenti dúısenbi kúni Nıý-Iorkte jýrnalısterdiń suraqtaryna jaýap berip. 

Baıdenniń málimdemesi ızraıldik BAQ «Izraıl áskerı delegatsııasy kelissózder júrgizý úshin Qatarǵa ushty» degen habardan keıin jasaldy.

Mysyr, Qatar jáne AQSh-tyń deldaldyǵymen júrgizilgen kelissózder Izraıl men HAMAS arasyndaǵy soǵysqa alty aptalyq úzilis jasaýǵa qol jetkizýge baǵyttalǵan, bul Izraıl túrmelerindegi júzdegen palestınalyq tutqyndy kepilge alynǵan ondaǵan ızraıldikke aıyrbastaýǵa múmkindik beredi.

Sonymen qatar, kelisim BUU málimeti boıynsha Gazadaǵy asharshylyq aldynda turǵan 2,3 mıllıonǵa jýyq adamǵa kómek kórsetýge yqpal etedi.

Bir kún buryn Djo Baıden Izraıl musylmandar úshin qasıetti Ramazan aıynda Gaza sektorynda soǵys qımyldaryna qatyspaýǵa keliskenin aıtyp, anklavta palestınalyqtardyń jappaı qyrylýy jaǵdaıynda evreı memleketiniń álemdik qoǵamdastyq qoldaýyn joǵaltý qaýpi bar ekenin atap ótti.