Gazada sý tasymaldaýshy kólik júrgizýshileri qaza tapty: ıÝNISEF shuǵyl tergeý júrgizýdi talap etti
ASTANA. KAZINFORM - Uıym merdigerlerine qaýipsizdik tolyq qalpyna kelgenge deıin atalǵan aýmaqta jumysty toqtatý tapsyryldy, dep habarlaıdy Agenzianova.
ıÝNISEF Gaza sektoryna aýyzsý tasyp júrgen eki júk kóligi júrgizýshisiniń Izraıl áskeriniń atqylaýynan soń qaza tabýyna baılanysty «qatty alańdaýshylyq» bildirdi. Uıym búgin jarııalaǵan málimdemede oqıǵa keshe tańerteń Palestınanyń soltústigindegi anklavyndaǵy Mansýra aýdanyndaǵy sý taratý núktesinde bolǵany aıtylǵan.
Málimetke sáıkes, júrgizýshiler sý tasymaldaý boıynsha josparly jumystardy «baǵyttar men rásimderge esh ózgeris engizbesten» oryndap júrgen sátte atqylanǵan. Shabýyl saldarynan taǵy eki adam jaralanǵan.
ıÝNISEF Mansýradaǵy bul núkte qazirgi ýaqytta «jumys istep turǵan jalǵyz» sý quıý orny ekenin atap ótti. Ol «Mekorot» sý qubyryna qosylǵan avtotsısternalardy qamtamasyz etedi jáne ony Gaza qalasyna sý jetkizý úshin gýmanıtarlyq uıym qyzmetkerleri táýligine birneshe ret paıdalanady. Bul nysan júzdegen myń adamǵa, sonyń ishinde kóptegen balaǵa sý jetkizýde mańyzdy ról atqarady.
Oqıǵadan keıin uıym merdigerlerine qaýipsizdik jaǵdaıy jaqsarǵanǵa deıin bul aýmaqtaǵy qyzmetti toqtatý tapsyryldy.
- Gýmanıtarlyq qyzmetkerler, ómirlik mańyzy bar qyzmet kórsetýshiler jáne azamattyq ınfraqurylym, sonyń ishinde sý júıeleri eshqashan nysanaǵa alynbaýy tıis, – dep málimdedi ıÝNISEF.
Uıym Izraıl bıligin bul oqıǵany «dereý tergep», tolyq jaýapkershilikti qamtamasyz etýge shaqyrdy. Sondaı-aq ıÝNISEF halyqaralyq gýmanıtarlyq quqyqqa sáıkes beıbit turǵyndar men qutqarý qyzmetkerlerin qorǵaý mindet ekenin taǵy da eske saldy.
Osyǵan deıin DSU-nyń Gazadan medıtsınalyq evakýatsııany toqtatqanyn habarladyq.
Al Aljazeera AQSh pen Iran arasynda eki aptaǵa arnalǵan ýaqytsha bitim týraly kelisimge qaramastan, Izraıl Gaza sektoryn bombalap jatqanyn jazdy.
