Gazadaǵy aýrýhanalarda alty bala ashtyqtan kóz jumdy

ASTANA. KAZINFORM – Palestına densaýlyq saqtaý mınıstrligi qorshaýda qalǵan anklavtaǵy gýmanıtarlyq jaǵdaıdyń nasharlaýyna baılanysty Gaza sektorynyń soltústigindegi aýrýhanalarda alty bala sýsyz jáne tamaqsyz qalý saldarynan kóz jumǵanyn málimdedi. Bul týraly Al Jazeera habarlady.

Mınıstrlik málimetinshe, sársenbi kúni Gaza qalasyndaǵy Al-Shıfa aýrýhanasynda eki bala qaıtys boldy. Buǵan deıin Gazanyń soltústigindegi Kamal Advan aýrýhanasynda tórt balanyń qaıtys bolǵany, taǵy jeteýi aýyr halde jatqany habarlanǵan. Bul aýrýhananyń generatorlary janarmaı tapshylyǵyna baılanysty isten shyǵyp qaldy. Aýrýhana dırektory Kamal Advan Ahmed ál-Kahýt osyǵan baılanysty aýrýhananyń jumys istemeıtinin aıtty. 

Seısenbi kúni Djabalııadaǵy ál-Aýda aýrýhanasy dál osyndaı sebeppen jumysyn toqtatqan.