Gazada palestınalyqtar men Izraıl arasyndaǵy atysty toqtatý kelisimi kúshine endi
GAZA. QazAqparat – Izraıl men Palestına arasyndaǵy atysty toqtatý jeksenbi kúni keshke kúshine endi, dep habarlaıdy QazAqparat USA Today agenttigine silteme jasap.
Juma kúninen bastap Izraıl ushaqtary Gazadaǵy nysandarǵa soqqy berdi, al Iran qoldaǵan «Palestınalyq ıslamdyq jıhad» qarýly toby jaýap retinde Izraılge júzdegen zymyran jibergen. Transshekaralyq áskerı operatsııalardyń tolyq aýqymdy soǵysqa aınalý qaýpi Egıpettiń deldaldyǵy arqyly beıbit kelisimderge qol jetkizilgenshe saqtaldy.
BUU Qaýipsizdik keńesi zorlyq-zombylyqtyń kúsheıýin talqylaý úshin dúısenbide shuǵyl jınalys ótkizýdi josparlady. Osy aıda Keńeske tóraǵalyq etetin Qytaı BUU Qaýipsizdik Keńesinde BAÁ-niń ótinishi boıynsha sessııa ótkizýdi josparlap otyr.
Izraıl áýe shabýyldarynyń saldarynan 15-ke jýyq sodyr qaza tapty. Onyń ishinde «Palestınalyq ıslamdyq jıhady» komandırleriniń biri Haled Mansur da bar.
Izraıl áskerı kúshteriniń málimetinshe, Gazadaǵy sodyrlar Izraılge qaraı 580-ge jýyq zymyran atqan. Olardyń kópshiligi áýe shabýylyna qarsy qorǵanys quraldary arqyly atylǵan, ekeýi Ierýsalım baǵytyna atylǵan.
Foto:usatoday.com
