Gazada qurban bolǵan palestınalyqtar sany 36 myńǵa jetti
ASTANA. KAZINFORM – Izraıldiń Gaza sektorynda 2023 jyldyń 7 qazanynan beri jalǵasyp kele jatqan shabýyly saldarynan qaza tapqan palestınalyqtardyń sany 36 439-ǵa jetip, taǵy 82 627 adam jaralandy.
– Bul týraly Gaza sektoryndaǵy Palestına densaýlyq saqtaý mınıstrliginiń málimdemesinde aıtylǵan, - dep jazady Anadoly.
Vedomstvonyń málimetinshe, keıingi táýlikte eksklavtyń taǵy 60 turǵyny qaza taýyp, 220-sy jaralanǵan.
Palestına Densaýlyq saqtaý mınıstrligi sońǵy 24 saǵat ishinde Izraıl áskerleriniń Gaza sektorynyń ártúrli bólikterinde 4 «qyrǵyn» jasaǵanyn habarlady.
Baıandamada qaza tapqandardyń deneleri áli qıraǵan ǵımarattardyń astynda jáne jol jıekterinde jatqany atap ótildi. Jedel járdem men azamattyq qorǵanys toptary Izraıl kúshteriniń kedergilerinen olarǵa jete almaı otyr.
