Gazada qaza tapqandardyń sany 66 myńnan asty
ASTANA. KAZINFORM – Sońǵy 24 saǵatta aýrýhanalarǵa 370-ten astam jaraly men 79 máıit jetkizildi, dep habarlaıdy Anadoly.
Izraıl áskeriniń qorshaýdaǵy Gaza sektoryna jasaǵan shabýylynan qaza tapqandar sany 2023 jyldyń 7 qazanynan beri 66 050-ge jetti.
Gaza sektoryndaǵy Palestına Densaýlyq saqtaý mınıstrliginiń málimetinshe, tek sońǵy 24 saǵatta eksklavtaǵy atqylaýdan 79 adam qaza taýyp, 379 adam jaraqat alǵan.
Izraıl áskeri 19 qańtarda Hamaspen atysty toqtatý týraly kelisimin 18 naýryz kúni buzdy. Sodan beri shabýyldardan 13 137 palestınalyq qaza taýyp, 56 121 adam jaraqat aldy.
27 mamyrdan beri Izraıldiń AQSh-pen kelise otyryp qurǵan kómek taratý ortalyqtaryna jasalǵan shabýyldarynda qaza tapqan palestınalyqtardyń sany 2566-ǵa jetip, taǵy 18769 adam jaralandy.
Al 2023 jyldyń 7 qazanynan beri Izraıldiń Gaza sektoryndaǵy shabýyldarynan jaraqat alǵandardyń sany 168 162-ge jetti. Sondaı-aq myńdaǵan qurbannyń máıiti qıraǵan ǵımarattardyń astynda qaldy.
Buǵan deıin Katar ámiri Izraıldi Gaza sektoryndaǵy beıbit kelissózderdi buzýǵa tyrysty dep aıyptady.