Gazada qaza tapqan palestınalyqtardyń sany 40 myńnan asty

GAZA. KAZINFORM – Bul týraly beısenbi kúni Gazanyń densaýlyq saqtaý mınıstrligi habarlady, dep jazady Sınhýa agenttigi.

Sońǵy 24 saǵat ishinde Izraıl shabýylynan 40 adamdy kóz jumyp, taǵy 107 adamdy jaralandy. 

«2023 jyldyń qazan aıynyń basynda Palestına-Izraıl qaqtyǵys bastalǵannan beri qaza tapqandardyń jalpy sany 40 005-ke, jaralanǵandar sany 92 401-ge jetti», — delingen málimdemede.

Úıindiler astynda jáne jol shetterinde jatqan áli de kóptegen qurbandar bar, olarǵa jedel járdem men azamattyq qorǵanys brıgadalary jete almaı otyr, dep qosty vedomstvo.

Aıta keteıik, Kazinform tilshisi 14 tamyzda Taıaý Shyǵysta oryn alǵan oqıǵalarǵa sholý jasaǵan bolatyn.