Gazada qaza tapqan palestınalyqtardyń sany 39 480-ge jetti

ASTANA. KAZINFORM – Sońǵy 24 saǵat ishinde Izraıl armııasynyń shabýylynan eksklavtyń taǵy 35 turǵyny qaza tapty, dep jazady Anadolu.

Palestınanyń Gaza sektoryndaǵy Densaýlyq saqtaý mınıstrliginiń málimdemesinde Gaza sektorynda 2023 jyldyń 7 qazanynan beri jalǵasyp kele jatqan Izraıldiń shabýyldary nátıjesinde qaza tapqan palestınalyqtardyń sany 39 480-ge jetkeni aıtyldy.

Sońǵy 24 saǵat ishinde Izraıl armııasynyń shabýyldary saldarynan eksklavtyń taǵy 35 turǵyny qaza taýyp, 55-i jaralandy.

Gaza Densaýlyq saqtaý mınıstrligi óz málimdemesinde 7 qazannan beri jaralanǵandardyń jalpy sany 91 128-ge jetkenin qosa ketti.

Qaza tapqandardyń deneleri áli qıraǵan ǵımarattardyń astynda jáne jol jıekterinde jatyr. Jedel járdem jáne azamattyq qorǵanys toptary Izraıl kúshteriniń kedergilerinen olarǵa jete almaıdy, dep qosty vedomstvo.

Aıta keteıik, buǵan deıin Izraıl HAMAS-tyń áskerı jetekshisi Mohammed Deıftiń kózi joıylǵanyn rastaǵanyn jazǵan edik.

Iran HAMAS jetekshisiniń qazasyna jaýap retinde Izraılge soqqy jasamaq.