Gazada qaza tapqan palestınalyqtardyń sany 36 myńnan asty
ASTANA. KAZINFORM – Palestınanyń Gaza sektoryndaǵy Densaýlyq saqtaý mınıstrliginiń málimdemesinde Izraıldiń blokadadaǵy Gaza sektoryna 2023 jyldyń 7 qazanynan beri jalǵasyp kele jatqan shabýyldary nátıjesinde qaza tapqan palestınalyqtardyń sany 36 myńnan asty, dep habarlaıdy Anadoly.
«Sońǵy 24 saǵat ishinde Izraıl shabýylynan 75 palestınalyq qaza tapty. Sonymen qatar taǵy 284 adam zardap shekti», - delingen habarlamada.
Osylaısha, Izraıldiń 7 qazannan beri jalǵasqan shabýyldary kezinde qaza tapqandardyń jalpy sany 36 171-ge, jaralanǵandar sany 81 420-ǵa jetti, dep habarlady Gaza Densaýlyq saqtaý mınıstrligi.
«Qaza tapqandardyń denesi áli qıraǵan ǵımarattardyń qırandylary men jol jıekterinde jatyr. Jedel járdem jáne azamattyq qorǵanys toptary Izraıl kúshteri týdyrǵan kedergilerge baılanysty olarǵa jete almaıdy», - dep qosty mınıstrlik.
