Gazada qaza tapqan palestınalyqtardyń sany 30 myńnan asty
ASTANA. KAZINFORM — Izraıl Gaza sektorynyń ońtústigine kirýdi jalǵastyryp, HAMAS basshylary gýmanıtarlyq nysandardyń astyndaǵy týnnelde jasyrynyp jatqanyn málimdedi. DDSU málimetinshe, anklavta qaıtys bolǵan palestınalyqtardyń sany 30 myńnan asty, dep jazady Euronews.
Gaza sektorynda qaza tapqan palestınalyqtardyń sany 30 myńnan asty, taǵy 70 myńnan astam adam jaraqat aldy.
Bul týraly Dúnıejúzilik densaýlyq saqtaý uıymynyń bas dırektory Tedros Adanom Gebreıesýs H áleýmettik jelisinde habarlady.
«Bul jantúrshigerlik zorlyq-zombylyq jáne qaıǵy-qasiret toqtaýy kerek», — dedi Gebreıesýs óz sózinde.
DDSU keltirgen málimet BUU qurylymdary senimdi dep sanaıtyn Gaza Densaýlyq saqtaý mınıstrliginiń esepteýine negizdelgen.
Izraıl Gaza sektorynyń ońtústiginde shabýylyn jalǵastyryp jatyr.
Al halyqaralyq deldaldar kepilge alynǵan adamdardy bosatý úshin atysty toqtatýǵa bar kúsh-jigerin salýda.
Áýe shabýyly kezinde BUU gýmanıtarlyq agenttigi BAPOR anklavqa az mólsherde azyq-túlik jetkizýde qıyndyqtarǵa tap bolǵanyn jáne palestınalyqtardyń ashtyqqa ushyraý qaýpi joǵary ekenin aıtady.
Gýmanıtarlyq júk tıelgen kólikter aımaqqa kire almaı jolda tur.
Hundreds of aid trucks wait in line to cross into Gaza at the Rafah and Kerem Shalom crossings to a starving civilian population. There has not been a single day we have gotten the needed 500 trucks across. The system is broken and Israel could fix it for the sake of the innocent pic.twitter.com/dMb9gTbchJ
— Jan Egeland (@NRC_Egeland) February 28, 2024
Aq úı atys toqtaı salysymen kómek kórsetiletinin málimdedi.
Izraıl kózdegeni — aýrýhanalar men basqa da gýmanıtarlyq nysandardyń astyndaǵy týnnelde jasyrynǵan HAMAS sodyrlary ekenin aıtady.
Sońǵy málimet boıynsha, top jetekshisi kepilge alynǵandardy tiri qalqan retinde paıdalanyp, jerasty býnkerleriniń birinde jasyrynyp júr.
Atysty toqtatý týraly kelisim palestınalyq tutqyndardyń ornyna kepilge alynǵan adamdardy bosatýdy kózdeıdi.
