Gazada qaza tapqan palestınalyqtardyń sany 30 534-ke jetti

ASTANA. KAZINFORM – HAMAS baqylaýyndaǵy Densaýlyq saqtaý mınıstrligi dúısenbi kúngi baspasóz málimdemesinde Gaza sektoryndaǵy palestınalyqtardyń Izraıldiń jalǵasyp jatqan shabýyldarynan qaza tapqandar sany 30 534-ke jetkenin habarlady. Bul týraly Sınhýa agenttigi jazdy.

Málimdemege qaraǵanda, sońǵy 24 saǵatta 124 palestınalyq qaza taýyp, 210-y jaralanǵan.

Izraıl men HAMAS arasyndaǵy qaqtyǵys bastalǵan 2023 jyldyń 7 qazanynan beri jalpy qaza tapqandar sany 30 534-ke, jaralanǵandar sany 71 920-ǵa jetti.

Vedomstvonyń atap ótýinshe, bombalaýdan keıin keıbir zardap shekkender úıindi astynda qalǵan.