Gazada Izraıldiń shabýylynan qaza taptqandar sany 62 myńǵa jaqyndady

ASTANA. KAZINFORM – 2023 jyldyń 7 qazanynan beri Izraıldiń Gaza sektoryna jasaǵan shabýylynan qaza tapqandar sany keıingi 24 saǵatta 70-ke artyp, 61 897-ge jetti, dep habarlaıdy Kazinform Anadolu Ajansı-ǵa silteme jasap.

Gazadaǵy Palestına Densaýlyq saqtaý mınıstrligi Izraıldiń jalǵasyp jatqan shabýyldarynan qaza tapqandar men jaralanǵandar týraly keıingi málimetterdi berdi. 

16 tamyzda Gaza sektoryndaǵy aýrýhanalarǵa 70 qaza tapqan adamnyń máıiti, 385 jaraly adam jetkizilgen. 

Jalpy 2023 jyldyń 7 qazanynan beri Izraıldiń Gaza sektoryna jasaǵan shabýyldarynan qaza tapqandardyń sany 61 897-ge, jaralanǵandar sany 155 660-qa jetip otyr. 

Izraıl armııasy Gazada 19 qańtarda kelisilgen atysty toqtatý kelisimin buzyp, 18 naýryzdan beri birneshe shabýyl jasap, shamamen 10 362 palestınalyqty óltirip, 43 619-yn jaralaǵan. 

Gaza sektoryndaǵy úıindiler astynda áli de myńdaǵan adamnyń denesi qaldy. 

Gaza gýmanıtarlyq járdem qorynyń Izraıl jáne AQSh basshylyǵynda Gazada qurylǵan «kómek taratý pýnktteri» dep atalatyn jerlerde palestınalyqtarǵa júıeli túrde shabýyl jasaýynan keıingi 24 saǵatta 26 palestınalyqtyń qaza tapqany jáne 175 adamnyń jaralanǵany atap ótildi. 

27 mamyrdan beri qaza tapqandar sany 1 924-ke, jaralanǵandar sany 14 288-ge jetti. 

Sondaı-aq Gazada keıingi 24 saǵatta taǵy 11 adam, onyń ishinde 1 bala ashtyqtan qaıtys boldy. 

Ashtyq pen tamaqtanbaý saldarynan qaza tapqandar sany 251 adamǵa jetti, onyń 108-i – balalar. 

Osyǵan deıin habarlaǵanymyzdaı, Izraıl Gaza sektorynda gýmanıtarlyq bitim týraly deldaldardyń usynysyn qabyldamady.