Gazada Izraıl shabýylynan qaza tapqan áıeldiń qursaǵyndaǵy sábı qutqaryldy

ASTANA. KAZINFORM – Gaza sektory qorshaýynyń ortalyq bóligindegi Nýseırat bosqyndar lagerindegi ál-Aýda aýrýhanasynyń akýsherleri Izraıl shabýyly saldarynan kóz jumǵan áıeldiń qursaǵynan sábıin aman alyp qaldy. Bul týraly  Kazinform  Anadolu agenttigine silteme jasap habarlaıdy.

Toǵyz aılyq júkti áıeldiń denesi túnde aýrýhananyń jedel járdem bólimine jetkizildi, dep habarlady Palestınanyń resmı aqparat agenttigi WAFA.

Shuǵyl kesar tiliginiń arqasynda sábı aman qaldy. Ol perzenthanadaǵy ınkýbatorǵa ornalastyryldy.

Ál-Aýda aýrýhanasy – 2023 jyldyń 7 qazanynda Izraıldiń jappaı shabýyly bastalǵannan beri Gazanyń ortalyǵynda gınekologııalyq jáne akýsherlik qyzmet kórsetetin jalǵyz medıtsınalyq mekeme.