Gazada bitim jasalǵaly alty aı ótse de, qaza tapqandardy jerleý múmkin bolmaı otyr
ASTANA. KAZINFORM - Gaza sektorynda atysty toqtatý týraly kelisim jasalǵanyna jarty jyl ótse de, myńdaǵan otbasy áli kúnge deıin jaqyndarynyń máıitin taýyp, jerleı almaı otyr, dep habarlaıdy Aljazeera.
Shamamen 10 myń palestınalyq iz-túzsiz joǵalǵandar qatarynda, olardyń kóbi úıindi astynda qalǵan bolýy múmkin.
61 mıllıon tonnadan astam qırandy tutas aýdandardy jappaı jerleý oryndaryna aınaldyrǵan. Býreıdj bosqyndar lagerindegi bir áke úıi qulaǵan kezde tórt balasynan aıyrylǵanymen, aýyr tehnıkanyń joqtyǵynan olardyń denesin úıindi astynan shyǵara almaı otyr.
Gaza azamattyq qorǵanys qyzmetiniń ókili sektorǵa úıindilerdi arshýǵa arnalǵan tehnıka jetkizilmegenin aıtty. Qolda bar quraldar tek ızraıldik tutqyndardy izdeýge paıdalanylǵan. Jalpy jaǵdaı aıtarlyqtaı ózgermegen: Izraıl shabýyldary jalǵasyp jatyr, al «bitim» jarııalanǵannan beri keminde 738 adam qaza tapqan.
Aıta keteıik, Izraıldiń Gazadaǵy shabýyldarynan 2025 jylǵy 10 qazannan beri 702 adam qaza tapty.
