Gazada bir kúnde 37 adam mert boldy

ASTANA. KAZINFORM – 2023 jyldyń 7 qazanynan beri Izraıldiń Gaza sektoryndaǵy shabýyldarynan qaza tapqandar sany 44 466-ǵa jetti, dep habarlady Palestınanyń Gaza sektoryndaǵy Densaýlyq saqtaý mınıstrligi, dep jazady Anadoly.

Atalǵan agenttiktiń habarlaýynsha, sońǵy 24 saǵatta Izraıl armııasynyń Gaza sektorynyń ártúrli aımaqtarynda jasaǵan tórt «qyrǵynda» 37 adam qaza tapty. Sonymen qatar Palestınanyń 108 turǵyny zardap shekti.

Aıta ketsek, 2023 jyldyń 7 qazanynan beri Izraıldiń Gaza sektorynda jasaǵan genotsıdiniń saldarynan qaza tapqandardyń jalpy sany 44 466-ǵa, jaralanǵandar sany 105 358-ge jetti, dep qosty Densaýlyq saqtaý mınıstrligi.

Qaza tapqandardyń máıitteri áli qıraǵan ǵımarattardyń astynda jáne jol jıekterinde jatyr. Jedel járdem jáne azamattyq qorǵanys toptary Izraıl áskerıleri týyndaǵan kedergilerge baılanysty olarǵa jete almaıdy, dep málimdedi vedomstvo.

Aıta keteıik, BUU agenttigi Gaza sektoryna gýmanıtarlyq kómek jetkizýdi toqtatty.

Izraıl mınıstri evreılerdi Gazaǵa qonystandyrýǵa shaqyrdy.