Gazada ana ólimi úsh esege artty
ASTANA. KAZINFORM - Álem Analar kúnin atap ótip jatqanda, Gaza sektoryndaǵy myńdaǵan áıel merekeni emes, aman qalýdyń qamyn kúıttep júr, dep habarlaıdy Aljazeera.
Eki jarym jylǵa sozylǵan qaqtyǵys kezinde óńirde 22 myńnan astam áıel qaza tapqan.
Soǵys bastalǵaly bosaný kezindegi ana ólimi úsh esege kóbeıgen.
Dárigerlik kómektiń joqtyǵynan júzdegen áıel bosaný kezinde kóz jumǵan.
Kúıeýlerinen aıyrylǵan myńdaǵan ana balalaryn jalǵyz tárbıeleýge májbúr bolyp otyr.
Qıraǵan úıler, azyq-túlik tapshylyǵy, aýyz sýdyń jetispeýi men jaryqtyń óshýi halyqtyń turmysyn adam tózgisiz jaǵdaıǵa jetkizgen.
Óńirdegi kóptegen aýrýhana men perzenthana isten shyqqan.
Kóptegen áıel balalarynan aıyrylsa, dertke shaldyqqandary qajetti em ala almaı otyr.
Mamandandyrylǵan klınıkalardyń kóbi qıraǵandyqtan, aýyr operatsııany qajet etetin naýqastardy evakýatsııalaý da múmkin bolmaı qalǵan.
Bul — jaı ǵana statıstıka emes. Bul — soǵys saldarynan taǵdyry tas-talqan bolǵan analardyń álemge kórinbeı jatqan qasireti.
Osyǵan deıin Gazada bitim jasalǵaly alty aı ótse de, qaza tapqandardy jerleý múmkin bolmaı otyrǵany týraly jazdyq.
