Gazada alty qabatty úı qulap, 20 adam qaza tapty
ASTANA. KAZINFORM — Gaza qalasynda buǵan deıin áskerı qımyldar kezinde zaqymdanǵan turǵyn úı ǵımaratynyń úıindileriniń astynda qalǵan adamdardy izdeý jumystary jalǵasyp jatyr, dep habarlaıdy Kazinform agenttiginiń menshikti tilshisi.
Gaza qalasynyń batys bóliginde sársenbige qaraǵan túni alty qabatty turǵyn úıdiń opyrylýy saldarynan keminde 20 palestınalyq qaza tapty. Qaza bolǵandardyń arasynda bes bala bar. Bul týraly Al Jazeera Palestınanyń Azamattyq qorǵanys qyzmetine silteme jasap habarlady.
Vedomstvonyń sońǵy málimetinshe, taǵy 14 adam jaraqat alǵan. Azamattyq qorǵanys ókili Mahmýd Basaldyń aıtýynsha, úıindi astynda taǵy júzge jýyq adam qalýy múmkin. Qazir izdeý-qutqarý operatsııasy jalǵasyp jatyr.
Ǵımaratta soǵys saldarynan úılerin tastap ketýge májbúr bolǵan otbasylar panalaǵan. Jergilikti BAQ-tyń habarlaýynsha, úı buǵan deıin Izraıldiń áýe shabýylynan zaqymdanyp, sonyń saldarynan ǵımarat qurylymdarynda jaryqtar paıda bolǵan. Úıdiń opyrylýy túngi saǵat bir shamasynda, adamdar uıyqtap jatqan kezde bolǵan.
Oqıǵa ornynda izdeý-qutqarý jumystary júrgizilip jatyr. Oǵan Ǵaza azamattyq qorǵanysynyń qyzmetkerleri, Mysyrdyń tótenshe jaǵdaılar qyzmeti jáne BUU bólimsheleriniń mamandary qatysyp jatyr.
Beınejazbalardan qutqarýshylar men jergilikti turǵyndardyń úıindilerdi, sonyń ishinde qolmen tazalap jatqanyn kórýge bolady. Kadrlardyń birinde qutqarýshylar úıindi astynan tiri qyz balany alyp shyqqan. Oqıǵa kýágerleri men qutqarý jumystaryna qatysýshylardyń aıtýynsha, qıraǵan qurylymdardyń astynan áli de kómek suraǵan adamdardyń daýysy estilip jatyr.
انتشال عالقين من تحت أنقاض مبنى انهار على رؤوس ساكنيه، بعدما كان قد دُمّر جزئيا جراء استهداف إسرائيلي سابق، غربي مدينة غزة #فيديو https://t.co/T81Sl7OATM
— قناة الجزيرة (@AJArabic) September 16, 2026
BUU Damý baǵdarlamasynyń Gazadaǵy ókili Alessandro Mrakıch úıindilerdi tazartý jumystaryna ekskavatorlar tartylǵanyn, alaıda qolda bar tehnıkanyń jetkiliksiz ekenin aıtty.
— Úıindilerdiń astynan kóptegen adamnyń daýysy estilip jatyr. Sondyqtan biz ýaqytpen jarysyp, qoldan kelgenniń bárin jasap jatyrmyz, — dedi ol Al Jazeera telearnasyna bergen suhbatynda.
Mrakıch qosymsha tehnıka men otyndy shuǵyl jetkizýdi surady. Onyń aıtýynsha, qutqarý jumystaryna tartylǵan merdigerler janarmaı men qosalqy bólshekterdiń tapshylyǵyna tap bolyp otyr.
A building collapsed in Gaza City on Wednesday, killing several members of displaced families living in the edifice that was damaged by strikes early in the war. Children and women were among the victims. Emergency services and others rushed to the scene to rescue people from under the rubble. Dozens are reported to be missing.
— The Associated Press (@AP) September 16, 2026
Mahmýd Basaldyń aıtýynsha, kóptegen turǵyn basqa baspana, ýaqytsha ornalastyrý ortalyqtary jáne turýǵa jaramdy shatyrlar bolmaǵandyqtan, apatty jaǵdaıda turǵan ǵımarattardy panalaýǵa májbúr.
Izraıl tarapy aýyr tehnıka men qurylys materıaldaryn jetkizýge qoıylǵan shekteýlerdi saqtap otyr. Palestına tarapy men BUU ókilderiniń pikirinshe, bul shekteýler qutqarý jumystaryn júrgizýge jáne zaqymdanǵan úılerdi jóndeýge kedergi keltiredi.
Izraıl tarapy óz kezeginde mundaı sharalar qos maqsatta qoldanylatyn tehnıka men jabdyqtardyń HAMAS qolyna túsýine jol bermeý úshin qajet ekenin málimdeıdi.
Ǵaza qalasynyń meri ıAhıa as-Sarradj jańa ǵımarattardyń opyrylý qaýpi bar ekenin eskertti. Onyń aıtýynsha, mýnıtsıpaldyq qyzmetter men azamattyq qorǵanys bólimshelerinde qajetti tehnıka jetkiliksiz.
Palestına derekterine sáıkes, Gaza sektorynda zaqymdanǵan shamamen 2 myń ǵımaratta áli de adamdar turyp jatyr. Shatyrlar men gýmanıtarlyq kómektiń ótkir tapshylyǵyna baılanysty otbasylar óz ómirine qaýip tóndire otyryp, apatty jaǵdaıda turǵan beton ǵımarattardyń qańqalaryn panalaýǵa májbúr.
BUU Damý baǵdarlamasy júrgizgen shyǵyndy baǵalaý barysynda opyrylý qaýpi bar 400 ǵımarat anyqtalǵan. Al jergilikti azamattyq qorǵanys organdary Gaza sektoryndaǵy turǵyndarǵa qaýip tóndiretin apatty ǵımarattardyń sanyn shamamen 2 myń dep baǵalaıdy.
Buǵan deıin Izraıl úkimetinde Gaza sektorynyń turǵyndaryn basqa jerge kóshirý máselesi áli de qyzý talqylanyp jatqanyn jazdyq.
Atysty toqtatý týraly kelisim jasalǵanyna bir jylǵa jýyqtasa da, Gaza sektorynda jaǵdaı áli turaqtalǵan joq. Negizgi urys qımyldary toqtaǵanymen, áskerı operatsııalar jalǵasyp jatyr. Beıbitshilik jospary nege tek qazaq júzinde ǵana qalyp otyr?
