Gazada 183 kúnde qaza tapqandar sany 33 482-ge jetti

ASTANA. KAZINFORM – 2023 jyldyń 7 qazanynan beri Gaza sektorynda Izraıldiń jalǵasyp jatqan shabýyldary nátıjesinde qaza tapqan palestınalyqtardyń sany 33 482-ge jetken. Bul týraly Anadoly agenttigi jazdy. 

«Keıingi 24 saǵat ishinde 122 palestınalyq Izraıl shabýyldarynyń qurbany bolǵan, taǵy 56 adam jaraqat aldy. Qaza tapqan adamdardyń deneleri áli qıraǵan ǵımarattardyń qırandylary men jol jıekterinde jatyr. Izraıl kúshteriniń kedergilerinen jedel járdem men azamattyq qorǵanys toptary olarǵa jete almaıdy», - dep habarlady atalǵan eldiń Densaýlyq saqtaý mınıstrligi.

Sondaı-aq mınıstrlik 7 qazannan beri jalǵasyp kele jatqan Izraıl shabýyldarynda qaza tapqandardyń jalpy sany 33 482-ge, jaralanǵandar sany 76 049-ǵa jetkenin atap ótti.