Gazada 1500-ge jýyq palestınalyq kórý qabiletinen aıyrylǵan

ASTANA. KAZINFORM — Gaza sektoryna jasalǵan shabýyldardyń saldarynan 1500-ge jýyq adam kórý qabiletinen aıyrylyp, aımaqta dári-dármek, medıtsınalyq qural-jabdyqtar men qyzmetterdiń jetispeýshiliginen 4000 adamnyń ómirine qaýip tónip tur, dep habarlaıdy Anadoly.

Qalalyq kóz aýrýhanasynyń dırektory Abdýsalam Sabahtyń jazbasha málimdemesinde bul aqparatqa saladaǵy basqa da ózekti máseleler qosyldy. Kóz hırýrgııasynda qoldanylatyn qural-jabdyqtardyń joqtyǵyn atap ótken sheneýnik kózdiń tor qabyǵy, dıabettik retınopatııa, ishki qan ketý syndy dertterge arnalǵan qyzmetterdiń barlyǵy derlik úzilgenin atap ótti.

Qazirgi tańda aýrýhanada bir ret qoldanylatyn 3 hırýrgııalyq qaıshyny turaqty paıdalanyp keledi. Bul jaǵdaı naýqastardyń ómirine qaýip tóndiredi jáne olardyń jazylýyna kedergi jasaıdy.

— Jarylys saldarynan bolǵan kóz jaraqattaryn emdeý úshin gelıı men jińishke jip sııaqty medıtsınalyq quraldardy jetkizý qajet, olar ádette tolyǵymen taýsylady, — dep qorytyndylady Abdýsalam Sabah. — Tıisti halyqaralyq uıymdar máseleni sheshý úshin shuǵyl shara qoldanbasa, kóz hırýrgııasy qyzmeti múldem toqtaıdy.

Eske sala keteıik, Gýterrısh Izraıldiń Gazaǵa shabýyldaryn keńeıtý jospary ulttyń joıylýyna ákeletinin aıtqan edi.