Gazada 1092 adam medıtsınalyq kómekke jete almaı kóz jumdy — DDU
ASTANA. KAZINFORM — 2024 jylǵy shildeden 2025 jylǵy 28 qarashaǵa deıin Gaza sektorynda shamamen 1092 naýqas medıtsınalyq evakýatsııany kútpesten qaıtys boldy, dep habarlaıdy Sınhýa.
Bul týraly Nıý-Iorktegi BUU shtab-páterinde jýrnalısterge Dúnıejúzilik densaýlyq saqtaý uıymynyń (DDU) Palestınanyń okkýpatsııalanǵan aýmaqtaryndaǵy ókili Rıchard Pıperkorn Gaza densaýlyq saqtaý organdaryna súıene otyryp málimdedi.
Onyń aıtýynsha, bul derekter naqty jaǵdaıdy tolyq kórsetpeýi múmkin, óıtkeni kórsetkishter tek resmı tirkelgen ólim jaǵdaılaryna negizdelgen.
— DDU elderdi Gazadan naýqastardy qabyldaýǵa jáne Batys jaǵalaýǵa, sonyń ishinde Shyǵys Ierýsalımge medıtsınalyq evakýatsııany qaıta bastaýǵa shaqyrdy, — dedi ol.
Rıchard Pıperkornnyń atap ótýinshe, qazirgi tańda Gazada 36 aýrýhananyń tek 18-i jáne alǵashqy medıtsınalyq kómek kórsetý ortalyqtarynyń 43 paıyzy ǵana ishinara jumys istep tur.
Sonymen qatar, negizgi dári-dármekter men medıtsınalyq buıymdardyń, onyń ishinde júrek aýrýlaryn emdeýge arnalǵan quraldardyń tapshylyǵy qatty baıqalady.
Ol ruqsat etilgen jetkizilim kólemi artqanyna qaramastan, dári-dármek pen medıtsınalyq jabdyqtardy Gazasyna engizý úderisi áli de negizsiz baıaý ári kúrdeli ekenin atap ótti.
Eske salaıyq, buǵan deıin DDU Gazadaǵy densaýlyq saqtaý júıesin qalpyna keltirýge shamamen 7 mlrd dollar qajet ekenin málimdegen bolatyn.