Gaza sektoryndaǵy gýmanıtarlyq jaǵdaıdyń nasharlaýy ızraıldyq qorshaýdy shuǵyl toqtatýdy talap etedi - Eýroparlament delegatsııasynyń basshysy
BRıÝSSELЬ. Mamyrdyń 29-y. QazAqparat /Dımash Syzdyqov/ - Gaza sektoryndaǵy gýmanıtarlyq jaǵdaıdyń nasharlaýy ızraıldyq qorshaýdy shuǵyl, jan-jaqty jáne túbegeıli toqtatýdy talap etedi. Eýropalyq parlamentshilerdiń delegatsııasyn bastap aımaqqa barǵan saparynyń qorytyndysy boıynsha Eýroparlament depýtaty Eva Jolı mamyrdyń 28-i kúni osyndaı málimdeme jasady.
Onyń aıtýynsha, ızraıl qorshaýy Gaza sektorynyń halqyn tolyq oqshaýlap tastady, sonyń saldarynan turǵyndardyń 80 paıyzy syrttan azyq-túlik kómegine muqtaj bolyp otyr. Bul jaǵdaı «qara bazarlardyń» kóbeıýine jáne ártúrli radıkaldyq toptardyń paıda tabýyna soqtyryp otyr. «Halyqtyń gýmanıtarldyq kómekke qol jetkizýine, aımaqtaǵy jaǵdaıdy jeńildetýge, sondaı-aq palestınalyqtardyń qalypty ekonomıkalyq jaǵdaıda ómir súrýine múmkindik berý úshin qorshaýdy joıý qajet», - dedi E.Jolı.
Eýroparlament delagatsııasynyń basshysy Eýropalyq Odaq qorshaýdy alý máselesine jáne Gaza sektorynyń ınfraqurylymyn qalpyna keltirý úderisin bastaýǵa bastamashy bolýy kerek. «EO bul úderiske belsene aralasyp, beıbit retteýge shynaıy qatysýshy bolýy tıis», - dep atap kórsetti E.Jolı.
