Gaza sektorynda BUU jazǵy lagerine shabýyl jasaldy
ASTANA. Mamyrdyń 24-i. QazAqparat - Gaza sektoryndaǵy BUU-nyń jazǵy lageri jeksenbi kúni belgisiz bireýlerdiń shabýylyna ushyrady,
dep habarlady ITAR-TASS agenttiginen.
Derek kózdiń aqparaty boıynsha, ótken túnde betperde kıgen jáne qarýlanǵan 20 shaqty adam BUU-nyń Taıaý Shyǵys agenttigi palestınalyq bosqyndarǵa kómektesý úshin uıymdastyrǵan «Jazǵy oıyndar» balalardyń demalys úıine basyp kirip, soıqan uıymdastyrǵan.
Shabýyldaýshylar joldaryndaǵynyń bárin qıratyn, shatyrlardy, basqa da múlikterdi órtegen. Al lager kelesi aıda ashylyp, jaz aılarynda 250 myńdaı palestınalyq balalardy qabyldaýy tıis bolatyn.
Álgi qaskóıler oqıǵa ornynda qoqan-loqqy jazylǵan hat qaldyrǵan.
