Gaza sektoryna Izraıl tankteri basyp kirdi
ASTANA. Naýryzdyń 27-si. QazAqparat - Izraıldiń áskerı kontıngenti Gaza sektorynyń shekarasynan ótti. Palestınanyń «Hamas» qozǵalysynyń ókilderi osyndaı málimdeme jasady,
dep habarlaıdy RBK agenttigi. Derek kózderdiń habarlaýynsha, Gaza sektoryna birneshe saýytty tehnıka kirgizilgen, olardyń ishinde tankter men býldozerler bar.
Degenmen, Izraıl qolbasshylyǵy bul másele boıynsha túsinik berýden bas tartýda, dep habarlaıdy VVS telekompanııasy.
Qazirgi tańda ızraıldik jáne palestınalyq qarýly toptardyń arasynda qaqtyǵystar oryn alýda, biraq qaza bolǵandar men jaralanǵandar týraly ázirge eshqandaı derek túsken joq. Tankterdiń engizilýi - jaqynda oryn alǵan oqıǵalarǵa Izraıldiń reaktsııasy bolýy yqtımal, deıdi sarapshylar. Esterińizge sala keteıik, Izraıl áskerıleri, Gaza sektorynda palestınalyq jasaqtarmen bolǵan atystyń saldarynan eki ızraıldik jaýyngerdiń qaza bolǵanyn habarlaǵan bolatyn. Olardyń aıtýynsha, áskerıler qorǵanys dýalynyń boıyna jarylǵysh zattar qoıyp jatqan qylmyskerlerdiń ústinen túsken. Oryn alǵan atys kezinde jaraqat alǵan ızraıldik jaýyngerler aýrýhanada kóz jumǵan.
