Gaza sektory men Izraıldiń ońtústigindegi shıelenistiń ýshyǵýyna qatysty QR SІM málimdemesi
«Jaǵdaıdyń ýshyǵýyna jol bermeý maqsatynda taraptardy barynsha ustamdylyq tanytýǵa shaqyramyz.
Taıaý Shyǵysta ádil jáne turaqty beıbitshilik ornatý úshin ózara tıimdi sheshim izdestirý boıynsha halyqaralyq qaýymdastyqtyń salyp otyrǵan kúsh-jigerin qoldaımyz.
Qaqtyǵys alańyndaǵy gýmanıtarlyq jaǵdaıdyń nasharlaýyna alańdaýshylyq tanytamyz. Jaǵdaı budan ári ýshyǵatyn bolsa, Syrtqy ister mınıstrligi Qazaqstan azamattaryn qaqtyǵys alańynan shyǵaryp alýǵa daıyn.
Osy máselege qatysty suraqtar boıynsha táýlik boıy kelesi baılanys telefondary arqyly aqparat alýǵa bolady:
- Izraıldegi Qazaqstan Elshiliginiń konsýldyq bólimi: 8-10-97-203 516-34-11, 516-34-64, konsýl - Mustafın Erken Qýandyquly (uıaly nómiri +972-546-071-528, elektrondyq mekenjaıy - e.mustafin@mfa.kz);
- Iordanııa Hashımıt Koroldigindegi Qazaqstan Elshiliginiń konsýldyq bólimi: 8-10-962- 6 - 592-79-53/54, konsýl - Qoıshybaev Baqytjan Serikuly (uıaly nómiri +962-798-806-729, elektrondyq mekenjaıy - kazcon@orange.je )
- QR SІM Konsýldyq qyzmet Departamenti:
Ramılıa Tortaeva (Izraıl) +7(7172) 72-04-86;
Anar Knıazbaeva (Palestına) +7(7172) 72-03-07.
Qazaqstan Respýblıkasynyń Syrtqy ister mınıstrligi boıynsha kezekshi dıplomattyń telefony - (7172) 72-01-11 (18.00-den keıin).
Aqparat: QR SІM aqparatyna sáıkes, Izraıl memleketinde konsýldyq esepte QR-nyń 42 azamaty tirkelgen. Sondaı-aq qazirgi tańda túrli maqsatpen (demalys, emdelý, jeke sapar) Izraılde QR-nyń 146 azamaty júr. Palestınada 25 otbasy turady (118 adam, sonyń ishinde 89-y - balalar men jasóspirimder).