Gaza sektorynyń ońtústiginde Izraıldiń áýe soqqysynan bes palestınalyq qaza tapty
ASTANA.KAZINFORM - Gaza sektorynyń ońtústigindegi Han-ıÝnıs qalasynda ornalasqan qonys aýdarǵandarǵa arnalǵan shatyrǵa Izraıl áskeri áýeden soqqy jasap, bes palestınalyq kóz jumdy. Bul týraly jergilikti Azamattyq qorǵanys qyzmeti habarlady, dep jazady Sınhýa.
Vedomstvonyń resmı ókili Mahmýd Bazaldyń aıtýynsha, soqqy Han-ıÝnıstyń batysyndaǵy ál-Mavası aýdanyndaǵy shatyrǵa jasalǵan. Shatyr ishinde bolǵan bes adam túgel qaza tapqan. Olardyń deneleri jaqyn mańdaǵy dala gospıtaline jetkizildi.
Atalmysh oqıǵaǵa qatysty Izraıl armııasy túsinik bermedi.
Izraıldiń Channel 12 telearnasy eldiń áýe kúshteri atysty toqtatý týraly kelisimniń buzylýyna jaýap retinde Gaza sektoryna soqqy jasaǵanyn habarlady.
Buǵan deıin sársenbi kúni Izraıl áskeri Rafahtyń shyǵys bóliginde jerasty týnnelinen shyqqan qarýly toppen qaqtyǵys kezinde bes áskerı qyzmetker jaralanǵanyn málimdegen edi.
Osyǵan deıin Tramp Gaza josparynyń ekinshi kezeńi jaqynda júzege asyrylatynyn aıtqan bolatyn.