Gaza Sektorynyń Densaýlyq saqtaý mınıstrligi: táýlik ishinde 700 adam mert boldy
Izraıl Qorǵanys áskeri Gaza Sektorynyń ońtústigindegi Han-ıÝnıs jáne Rafah aýdandarynda, sonymen qatar soltústiktegi birqatar aýdanda HAMAS áskerine qarsy áýe jáne qurlyq arqyly shabýylyn jalǵastyrdy. Kazinform bul týraly Euronews-ke silteme jasap habarlaıdy.
Gaza densaýlyq saqtaý mınıstrliginiń málimetinshe, keıingi táýlikte keminde 700 adam, al shıelenis bastalǵaly 15 500-den astam adam qaza taýyp, 40 myńnan asa turǵyn jaraqat alǵan. Bul derekter ázirge táýelsiz tekseristen ótken joq.
HAMAS qozǵalysynyń áskeri, «Islam jıhady» men «Hezbollah» Izraıl aýmaǵyna zymyrandarmen shabýyl jasap jatyr. Izraıldiń soltústiginde 11 adam jaraqat aldy, onyń 8-i – áskerı qyzmetker.
BUU baǵalaýynsha, Gaza Sektorynyń 75% turǵyny úıin tastap ketýge májbúr boldy. Jeksenbi kúni TsAHAL Han-ıÝnıs pen qala mańynda evakýatsııaǵa jatatyn aımaqty keńeıtti. Birqatar BAQ Izraıl áskeri qurlyq operatsııasyn bastaǵanyn habarlady.
Izraıl qorǵanys áskeri Gaza sektoryndaǵy operatsııa bastalǵaly HAMAS áskeriniń 800-den astam jerasty týnneli anyqtalyp, jartysynan kóbi joıylǵanyn aıtty.
Qatar úkimeti jeksenbi kúni ýaqytsha bitimge kelý jáne tolyqtaı oq jaýdyrýdy toqtatý úshin bitimger bolýdy jalǵastyratynyn málim etti.
