Gaza sektoryndaǵy úılerdiń 92% qıraǵan

ASTANA. KAZINFORM — Gaza sektorynyń ınfraqurylymyn qalpyna keltirýge birneshe jyl qajet. Bul týraly 24.kz saıty jazdy. 

BUU-nyń ókilderi osylaı dep otyr. Qarýly qaqtyǵystan, ásirese, óńirdiń soltústik aýdandary qatty zardap shekken. Atys-shabys saldarynan Gazadaǵy úılerdiń 92%-i qıraǵan. Onyń ishinde 160 myń baspana jermen jeksen bolsa, 276 myńy búlingen. Sonyń saldarynan turǵyndardyń kóbi qazir ýaqytsha qurylǵan shatyrlarda turýǵa májbúr.

Eske sala keteıik, buǵan deıin Qutqarýshylar atys toqtaǵannan beri Gaza sektoryndaǵy úıindi astynan 162 adamnyń máıitin shyǵarǵanyn jazǵan bolatynbyz.

Gaza sektory qol-aıaǵy ampýtatsııalanǵan balalar sany boıynsha álemde birinshi orynǵa shyqty.