Gaza sektoryndaǵy shabýyldardan qaza tapqandar sany 72 myńnan asty
ASTANA. KAZINFORM – Gaza sektoryna jasalǵan shabýyldar saldarynan qaza tapqandar sany 72 myńnan asty, dep habarlaıdy Anadolu Ajansı.
Agenttik málimetinshe, 2023 jyldyń qazan aıynan beri Izraıl armııasynyń Gaza sektoryna jasaǵan soqqylary saldarynan 72 263 adam qaza taýyp, 171 944 adam jaralanǵan.
Gaza sektoryndaǵy Densaýlyq saqtaý mınıstrliginiń deregine sáıkes, Ramazan aıy bastalǵan 20 naýryzdan beri anklavtaǵy aýrýhanalarǵa Izraıl shabýyldarynan jaralanǵan 30 adam jetkizilip, 9 adamnyń máıiti ákelingen.
– 2025 jylǵy 10 qazanda jarııalanǵan atysty toqtatý týraly kelisimge qaramastan, Izraıldiń Gazaǵa jasaǵan shabýyldary saldarynan 687 adam qaza taýyp, 1845 adam jaralandy. Qıraǵan ǵımarattardyń astynda myńdaǵan adamnyń denesi jatyr, olardyń ishinde bitim kúshine engennen keıin qaza bolǵan 756 adam bar, – dep jazdy Anadolu Ajansı.
Buǵan deıin Izraıl Gaza sektoryna áýe soqqylaryn qaıta bastaǵany týraly habarlanǵan bolatyn.
