Gaza sektoryndaǵy qurbandar sany 60 myńnan asyp ketti
ASTANA. KAZINFORM – 2023 jylǵy 7 qazanda bastalǵan Izraıl armııasynyń qorshaýdaǵy Gaza sektoryna jasaǵan shabýyldardan qaza tapqandar sany 60 239 adamǵa jetti, dep habarlaıdy Anadoly.
Palestınanyń Gaza sektoryndaǵy Densaýlyq saqtaý mınıstrliginiń málimetinshe, keıingi 24 saǵat ishinde 101 adam kóz jumyp, taǵy 625 adam jaraqat alǵan. Al, 2023 jyldyń 7 qazanynan beri jaralanǵandar sany 146 894 adamdy qurady.
Eske salaıyq, Izraıl men HAMAS arasyndaǵy 19 qańtarda jasalǵan atysty toqtatý týraly kelisim 18 naýryzda qaıta buzylyp, Izraıl Gazada jappaı shabýyldardy qaıta bastaǵan edi. Sol ýaqyttan beri 9 071 palestınalyq qaza taýyp, 34 853 adam jaralanǵan.
Vedomstvonyń habarlaýynsha Eksklav aýmaǵynda qıraǵan ǵımarattardyń astynda áli de myńdaǵan adamnyń máıiti bolýy múmkin.
Keıingi bir táýlikte Gazada ashtyqtan taǵy 7 palestınalyq qaıtys boldy. Jalpy ashtyqtan kóz jumǵandar sany 154 adamǵa jetti, onyń 89-y balalar.
Aıta keteıik, Kanada Palestına memleketin qyrkúıek aıynda moıyndaýdy josparlap otyr.
HAMAS qolyndaǵy tutqyndardyń 20-sy ǵana tiri bolýy múmkin.