Gaza sektoryndaǵy qazaqstandyqtar men olardyń otbasy músheleri Almatyǵa ushyp keldi
Qasym-Jomart Toqaevtyń tapsyrmasyna sáıkes QR Syrtqy ister mınıstrligi Gaza sektoryndaǵy qazaqstandyqtardy evakýatsııalady, dep habarlaıdy Kazinform Syrtqy ister mınıstrligine silteme jasap.
Búgin arnaıy evakýatsııalyq bortpen 99 jolaýshy — Qazaqstan azamattary men olardyń otbasy músheleri Almaty qalasyna aman-esen ushyp keldi.
Áýejaıdaǵy búkil mindetti rásimderden ótkennen keıin evakýatsııalanǵan azamattarǵa ýaqytsha baspana berilip, olarǵa qajetti quqyqtyq, medıtsınalyq jáne ózge de kómek kórsetilip jatyr.
Sátti iske asyrylǵan evakýatsııa — Qazaqstannyń Izraıldegi, Iordanııadaǵy jáne Mysyrdaǵy Elshilikteriniń osy elderdiń ýákiletti organdarymen jáne halyqaralyq uıymdarmen birlesken úılesimdi jumysynyń nátıjesi.
Taıaý Shyǵys óńiriniń syrtqy saıası vedomstvolarynyń basshylyǵymen kelissózder qorytyndysy boıynsha QR SІM azamattarymyzdyń Gaza sektorynan qaýipsiz jáne esh kedergisiz shyǵýy týraly ýaǵdalastyqqa qol jetkizdi.
Qazaqstandyq dıplomattar qaqtyǵys aımaǵynda qalyp qoıǵan Qazaqstan azamattaryna kómek kórsetý jáne evakýatsııalyq is-sharalardy uıymdastyrý jónindegi jumysty jalǵastyrady.
